ԱՄՆ պետդեպարտամենտի պաշտոնական ներկայացուցիչ Մարկ Թոները ընդունել է, որ Միացյալ Նահանգները վերջին կես տարում հարված չեն հասցրել «Ջեբհաթ ան Նուսրա» ահաբեկչական խմբավորման վրա։ Այս մասին նա հայտնել է ճեպազրույցի ժամանակ, փոխանցում է «ՌԻԱ Նովոստին»;
Ընդ որում Թոները վերապահում է արել, ասելով որ վստահ չէ իր հայտնած տեղեկության հավաստիությանը։
Թոները բացատրել է, որ դա պայմանավորված է խաղաղ բնակիչների մասին հոգատարությամբ, քանի որ զինյալները նրանցից շատ մոտ են գտնվում։ « Մենք ամենասկզբում հարվածներ հասցնում էին «Ջեբհաթ ան Նուսրային»՝ դեռ 2014-ին ու 2015-ին։ Բայց հենց նրանք սկսեցին թափանցել քաղաքացիական տարածքներ, մենք ձգտեցինք սահմանափակել հնարավոր զոհերի քանակը խաղաղ բնակչության շրջանում ու դրա համար էլ խուսափեցինք ավիահարվածներից»,- մեջբերում է ՏԱՍՍ-ը Պետդեպի պաշտոնական ներկայացուցչին։
Նա հավելել է, որ այդ խմբավորման ղեկավարներին կարելի էր ոչնչացնել Համատեղ գործադիր կենտրոնի օգնությամբ, որի ստեղծումը սեպտեմբերի 9-ին Սիրիայի վերաբերյալ համաձայնեցված ռուս- ամերիկյան պայմանավորվածությունների կետերից մեկն էր։
Սեպտեմբերի 30-ին BBC–ին տված հարցազրույցում ՌԴ ԱԳ նախարար Սերգեյ Լավրովը հայտնել էր, որ Վաշինգթոնը երբեք չի գրոհել «Ջեբհաթ ան Նուսրայի» վրա Սիրիայի տարածքում։ Նա նաեւ չի բացառել, որ ի սկզբանե ԱՄՆ-ն ծրագրում էր պաշտպանել այդ ահաբեկչական կազմակերպությանը։