ԱՄՆ–ը արգելափակել է ՄԱԿ Անվտանգության խորհրդում Դամասկոսում ՌԴ դեսպանատան ականակոծման մասին Ռուսաստանի հայտարարությունը։ Այս մասին հայտնում է «ՌԻԱ Նովոստի»–ն՝ վկայակոչելով ՄԱԿ–ում ՌԴ մշտական ներկայացուցչությանը։
Դեսպանատան ներկայացուցիչների խոսքով՝ հայտարարությունը «փաստացի արգելափակվել է ԱՄՆ պատվիրակության կողմից, որը փորձել է նման դեպքերի համար ստանդարտ տեքստում կողմնակի տարրեր ավելացնել»։ ՄԱԿ–ում ՌԴ ներկայացուցչությունից հայտնել են, որ «ամերիկացիներին աջակցել են անգլիացիներն ու ուկրաինացիները»։
«Ստիպված ենք արձանագրել, որ ԱԽ–ում մեր որոշ գործընկերների բարոյական հիմքերը լրջորեն սասանվել են»,– ասել են ՄԱԿ–ում ՌԴ մշտական ներկայացուցչությունից։
