Հայկական ԱԷԿ-ի աշխատանքի ժամկետի երկարաձգումն աննախադեպ նախագիծ է: Այս մասին հոկտեմբերի 12-ին Երեւանում հայտարարել է «Ռոսատոմ» ռուսական պետական ընկերության գլխավոր տնօրենի տեղակալ Նիկոլայ Սպասկին՝ ելույթ ունենալով ԱՊՀ-ի Խաղաղ միջուկի օգտագործման հանձնաժողովի բաց նիստին:
Նրա խոսքով՝ Ջրային էներգետիկ ռեակտորների տեսակի ռեակտորներով ատոմային կայանների շարքում հայկական ԱԷԿ-ը պահանջում է ժամանակակից տեխնոլոգիաների կիրառմամբ բարդ աշխատանքների համալիր: «Ռոսատոմի համար, որն օգնում է կայանի կյանքի երկարացմանը, սա եզակի նախագիծ է՝ եւ՛ տնտեսական, եւ՛ քաղաքական առումով:
«Հաջողված աշխատանքներ են իրականացվում նաեւ ԱՊՀ-ի այլ երկրների հետ, որոնք մտնում են Խորհրդի կազմի մեջ: Ըստ պլանի՝ ԱԷԿ է կառուցվում Բելառուսում, 1200 մՎտ 2 բլոկներով, որոնք համապատասխանում են «հետՖուկուսիմայի» բոլոր պահանջներին: Իսկ Տաջիկստանում եւ Ղրղզստանում աշխատանքներ են կատարվում ուրանի հանքավայրերի վերամշակման ուղղությամբ: Սա իր տեսակի մեջ առաջին նախագիծն է, որի հիման վրա մեթոդիկա է մշակվում Համագործակցության մյուս ռադիոակտիվ հանքավայրերի համար: Կարելի է ասել, որ այստեղ մենք գործ ունենք ուրանի ժառանգության ամենաբարդ օբյեկտների հետ: Մոտակա ապագայում ծրագրի նոր փուլ կմտնենք ֆինանսավորման շատ լուրջ հեռանկարներով»,- նշել է Նիկոլայ Սպասկին:
