Դանակներով զինված ծաղրածուները հոկտեմբերի 13-ին վախեցրել են Շվեդիայի Սկոնինգ քաղաքի բնակչին, հայտնում է Corren–ը։
Կինը ոստիկանություն էր դիմել եւ հայտնել, որ իրեն ծաղրածուի հագուստ հագած երկու մարդ է հետեւել, որոնք մեծ դանակներ են թափահարել եւ սպառնացել իրեն։
Վերջին օրերին Շվեդիայում նման մի քանի միջադեպ է գրանցվել։ Այդպիսով ծաղրածուի կոստյումով մարդկանց վախեցնելու միտումը, որը սկսվել էր ԱՄՆ–ում, հասել է Սկանդինավյան թերակղզի։ ԱՄՆ–ում օգոստոսին ծաղրածուի հագուստով անձինք փորձել էին երեխաներին համոզել եւ անտառ տանել։ Դրանից հետո նման ահազանգեր էին ստացվել ԱՄՆ 20 նահանգներում։ ԱՄՆ–ից հետո մարդկանց այդպես վախեցնելու միտումը տեղափոխվել էր Մեծ Բրիտանիա։