Հայաստանի վարչապետ Կարեն Կարապետյանը շնորհակալություն է հայտնել Ռուսաստանի կառավարությանը՝ Հյուսիսային Օսիայում հայկական ավտոբուսի վթարից հետո ցուցաբերած աջակցության համար (ֆոտոռեպորտաժ):
Եվրասիական գործընկերության միջազգային համաժողովի բացման ժամանակ Կարապետյանը շնորհակալություն է հայտնել Ռուսաստանի տրանսպորտի նախարար Մաքսիմ Սոկոլովին (Հայ-ռուսական միջկառավարական հանձնաժողովի ռուսաստանցի համանախագահ), ինչպես նաեւ ՌԴ ամբողջ կառավարությանը: «Զգացված ենք ձեր վերաբերմունքից եւ հոգատարությունից»,- նշել է Կարեն Կարապետյանը:
Ավելի վաղ Ռուսաստանի ԱԻ նախարարությունը հաղորդել էր, որ հոկտեմբերի 14-ին Հյուսիսային Օսիայում Մոսկվա-Երեւան երթուղու ավտոբուսի եւ բեռնատարի բախման հետեւանքով 5 մարդ է զոհվել, 27-ը՝ հոսպիտալացվել. տուժածներից 4-ը երեխաներ են:
