Լիբիական Սիրտ քաղաքում մեկ օրվա ընթացքում «Իսլամական պետություն» ահաբեկչական խմբավորման զինյալների հետ բախումների հետեւանքով առնվազն 14 զինվորական է զոհվել, 25-30 վիրավոր կա:
Ահաբեկիչների դեմ գործողությունը Սիրտում շարունակվում է արդեն մի քանի ամիս: Օգոստոսի 28-ին զինվորականները հարձակում էին սկսել ԻՊ-ի ձեռքում մնացած Սիրտի վերջին երկու շրջանների ուղղությամբ:
AFP-ի տեղեկություներով՝ կառավարական զինված ուժերի առաջխաղացմանը խանգարում են ԻՊ-ի դիպուկահարները: Ոչնչացված զինյալների թիվը հայտնի չէ:
ՌԻԱ Նովոստիի փոխանցմամբ՝ 2015 թվականի Սիրտն «Իսլամական պետության» վերահսկողության ներքո է, սակայն վերջին ամիսներին Տրիպոլիի ազգային համաձայնության կառավարությանը հարող ուժերը կարողացել են ազատագրել քաղաքի զգալի մասը:
