ՄԱԿ՝ Սիրիայի հարցերով հատուկ բանագնաց Ստեֆան դե Միստուրան հայտարարել է, որ «Ջաբհաթ ան Նուսրա» խմբավորման գրոհայինները դեռեւս չեն համաձայնել արեւելյան Հալեպից դուրս գալու առաջարկին, փոխանցում է «ՌԻԱ Նովոստի»–ն։
«Պլանի համաձայն՝ պետք է 2 կողմից դադարեն կրակոցներն ու մարտական գործողությունները։ «Ջաբհաթ ան Նուսրայի» գրոհայինները պետք է ինքնակամ դուրս գան զենքով ցանկացած վայր, ուր որ կցանկանան։ Սակայն այս կետին «Ջաբհաթ ան Նուսրան» չի համաձայնել»,– ասել է նա։
Միստուրան նաեւ հավելել է, որ պլանի եւս մեկ տարր է Սիրիայի կառավարության հրապարակային ճանաչման եւ Հալեպի տեղական իշխանություններին տեղերում թողնելու անհրաժեշտությունը, ինչպես նաեւ հրադադարին համաձայնություն տված ընդդիմության ներկայացուցիչներին անվնաս թողնելը։