Պակիստանում ուժի մեջ է մտել հնդկական հեռուստատեսային եւ ռադիոարտադրանքի ամբողջական արգելքը: BBC-ի հաղորդմամբ՝ արգելքը տարածվում է նաեւ հանրահայտ հնդկական սերիալների եւ Բոլիվուդի ֆիլմերի վրա:
Երկրի իշխանությունները զգուշացրել են, որ արգելքն անտեսած հեռուստաալիքներն ու ռադիոկայանները կփակվեն:
Վերջին շրջանում երկու երկրների հարաբերություններում լարվածության աճ է նկատվում: Դա զգացվում է հատկապես երկու երկրների սահմանային վիճելի շրջաններում: Այնտեղ հաճախ զինվորականների եւ խաղաղ բնակիչների վրա հարձակումներ են գրանցվում: