Հաշվի առնելով Մոսուլում ստեղծված հումանիտար իրավիճակը ու քաղաքից բնակիչների կանխատեսվող արտագաղթը, Գերմանիան ծրագրում է 34 մլն եվրո շտապ օգնություն հատկացնել այդ տարածքի բնակիչներին։ Այս մասին հայտնել է Գերմանիայի տնտեսական համագործակցության ու զարգացման հարցերով նախարար Գերդ Մյուլերը, փոխանցում է DW–ն։
Փողը փոխանցվելու է նաեւ Հյուսիսային Իրաքում գտնվող լոգիստիկ կենտրոններին, որոնք զբաղվում են հումանիտար բեռների մատակարարումով։ Բացի դրանից Գերմանիան կկարողանա փախստականներին տեղակայել ժամանակավոր ապաստարաններում ու նրանց համար բուժօգնություն ապահովել։
Գերդ Մյուլերը հույս չունի, որ Մոսուլում կհաջողվի արագ հաղթանակ տանել ԻՊ նկատմամբ։ «Մենք պետք է պատրաստ լինենք բազմաթիվ դիրքային մարտերի, նաեւ զանգվածային փախստականների ներհոսքի՝ առաջին հերթին Թուրքիան»,- նշել է նախարարը։ Քաղաքի մատույցներում ընթացող մարտերը կարող են ստիպել, որ մինչեւ մեկ միլիոն բնակիչ լքի Մոսուլը, համարում է նա։