Ճամայկայի զբոսաշրջության նախարար Էդմունտ Բարթլետը հայտնել է Հայաստանում Ճամայկա ապրանքանիշը զարգացնելու ծրագրերի մասին։
Նրա խոսքով՝ Հայաստանում իրենց հաջողվել է գտնել գործընկեր Ճամայկայի ուղղությամբ տոմսերը Qatar Airlines-ի հետ համատեղ վաճառելու համար, հայտնում է Jamaica Observer-ը։
Գործընկերությունը նոր հնարավորություններ կտա տեղական զբոսաշրջային շուկան դիվերսիֆիկացնելու համար, հավելել է նախարարը։ Նա նշել է, որ այդ նախնական քննարկումներն անցկացվել են, երբ նախարարը մասնակցում էր ՄԱԿ-ի Համաշխարհային զբոսաշրջային կազմակերպության 38-րդ լիագումար նիստին, որն անցկացվել է Հայաստանում, հոկտեմբերի 1-ից 4-ը։
