«Սեմկո CIS» ընկերությանը կտրվի ազատ տնտեսական գոտու ռեզիդենտի կարգավիճակ: Այս մասին որոշումն ընդունվել է Հայաստանի կառավարության հոկտեմբերի 27-ի նիստում:
Նիստի ժամանակ տնտեսական զարգացման եւ ներդրումների փոխնախարար Գարեգին Մելքոնյանը հայտարարել է, որ ընկերությունը պատրաստվում է 11 մլն դոլարի ներդրում կատարել, որպեսզի արտադրի մեծ պաշտպանվածությամբ տպագրական նյութեր: Դրանից հետո ընկերությունը ցանկանում է ինքն արտադրել դրա համար անհրաժեշտ հաստոցներ եւ սարքեր: Ընկերությունը պատրաստվում է աշխատել Հայաստանի, նաեւ Եվրասիական միության մյուս երկրների շուկայում: Աշխատանքի առաջին տարվա ընթացքում ակնկալվում է, որ արտահանման ծավալը կկազմի 2,5 մլն, իսկ 5 տարի հետո պլանավորվում է այն 8 մլն-ի հասցնել: Ընկերությունը պատրաստվում է 20 աշխատատեղ ստեղծել՝ 200 հազար դրամ միջին աշխատավարձով (400 դոլարից մի փոքր ավել):
Ազատ տնտեսական գոտու ռեզիդենտները (այժմ հանրապետությունում 2 ռեզիդենտ կա) ազատվում են հիմնական հարկերից եւ մաքսատուրքից:
