Ադրբեջանի քաղաքացիներն այսօր, նոյեմբերի 7-ին ընտրում են Միլի մեջլիսի պատգամավորների: Ընտրություններն անցնում են միջազգային դիտորդների ներկայությամբ:
«ԵԱՀԿ Ժողովրդավարական ինստիտուտների եւ մարդու իրավունքների բյուրոյի դիտորդները քվեարկության սկզբից գործընթացին հետեւել են մոտ 200 ընտրատեղամասերում: Ընդհանուր առմամբ, մեր առաքելության ավելի քան 400 ներկայացուցիչներ քվերակությանը հետեւել են Բաքվում եւ մարզերում»: Այդ մասին ԱՊԱ-ին հայտնել է ԵԱՀԿ Ժողովրդավարական ինստիտուտների եւ մարդու իրավունքների բյուրոյի տնօրեն Յանես Լենարչիչը: Նա վաղ է համարել ընտրությունների մասին նախնական կարծիք հայտնելը:
«Մեր առաքելության ներկայացուցիչները առանձին զեկույցներ կներկայացնեն Բաքվում եւ մարզերում քվեարկության ընթացքի վերաբերյալ: Նախնական գնահատական կտրվի վաղը, նոյեմբերի 8-ին կայանալիք մամուլի ասուլիսում: Վերջնական զեկույցը կներկայացվի երկու ամիս անց», - նշել է Լենարչիչը: