Այսօր` դեկտեմբերի 3-ին, ժամը 22:30-ի սահմաններում Իսակովի պողոտայի վրա (ԱՄՆ դեսպանատան մոտ) «Մերսեդես E-420» մակնիշի 03 ՍՕ 046 համարանիշի ավտոմեքենայի վարորդը, հավանաբար, չկարողանալով կառավարել մեքենան, բախվել է ծառին եւ շրջվել:
Վարորդն ու ուղեւորը մարմնական վնասվածքներով տեղափոխվել են «Սուրբ Գրիգոր Լուսավորիչ» բժշկական կենտրոն:
Ինչպես NEWS.am-ին հայտնեց ֆոտոլրագրող Գագիկ Շամշյանը, այս պահին դեպքի վայր են ժամանել Երեւանի ճանապարհային ոստիկանության աշխատակիցները` Երեւանի ՃՈ պետ Արսեն Արշակյանի գլխավորությամբ: Դեպքի վայր է ժամանել նաեւ ոստիկանության քննչական գլխավոր վարչության Երեւանի քննչական վարչության ճանապարհա-տրանսպորտային հանցագործությունների քննության բաժնի քննիչը, ով տեղազննման աշխատանքներ կատարելուց հետո մեկնեց հիվանդանոց, որպեսզի ճշտի վարորդի եւ ուղեւորի տվյալները:
Վարորդը 26-ամյա Հրաչյա Գեւորգի Հովհաննիսյանն է:
Վթարված ամվտոմեքենան քարշակի օգնությամբ տեղափոխվել է ՃՈ տուգանային հրապարակ:
Լուսանկարները եւ տեսանյութը` Գագիկ Շամշյանի