Մարդու իրավունքների պաշտպան Արմեն Հարությունյանը 2011 թվականի համար Ձմեռ Պապիկից համամարդկային, ոչ նյութական նվեր է ուզում:
«Ձմեռ Պապիկից ուզում եմ, որ մարդիկ 2011 թվականին ապագային նկատմամբ հույսով, հավատով լինեն: Դա ամենակարեւորն է, որովհետեւ 1990-ական թվականներին մեր վիճակն ավելի լավը չէր, բայց մարդիկ ապագայի նկատմամբ վստահություն ունեին, արդարության նկատմամբ սպասելիք»,-NEWS.am-ի թղթակցի հետ զրույցում ասաց օմբուդսմենը:
Նա նշեց, որ Ամանորը դիմավորելու է տանը`երեխաների, կնոջ ու մոր հետ, սակայն հաջորդ օրը մեկնելու է Ջերմուկ:
Արմեն Հարությունյանը նախընտրում է Նոր տարվա գիշերը տանը մնալ եւ ոչ մեկին չայցելել: «Մենք գերադասում ենք նեղ-ընտանեկան պայմաններում նշել տոնը»,-ասաց նա` հավելելով, որ նվեր հասցրել է գնել միայն աղջկա համար եւ հիմա էլ դուրս են եկել նվեր գնելու որդու համար:
«Ջմեռ Պապիկը նվերներ բերում է, բայց իմ երեխաներից մեկը 20 տարեկան է, մյուսը` 14, իրենք արդեն գիտեն, որ Ձմեռ Պապիկի նվերը լավ կլինի միասին գնանք տեսնենք»,-կատակելով հավելեց օմբուդսմենը: