Ուկրաինայում Հայաստանի դեսպանատունը հերքել է Ուկրաինայի Դնեպրոպետրովսկի մարզի Նիկրոպոլ քաղաքում հայերի եւ ուկրաինացիների միջեւ ազգային հողի վրա տեղի ունեցած միջադեպերի մասին լուրերը: Ինչպես NEWS.am-ին հայտնել է Հայաստանի ԱԳՆ մամուլի խոսնակ Տիգրան Բալայանը, համաձայն Ուկրաինայում Հայաստանի դեսպանատան տեղեկության` հայերի եւ ուկրաինացիների միջեւ միջադեպ` այն էլ ազգային հողի վրա, չի եղել:
Ավելի վաղ մի շարք լրատվամիջոցներ տեղեկություն էին տարածել, որ Ուկրաինայի Դնեպրոպետրովսկի մարզի Նիկրոպոլ քաղաքում երիտասարդները եւ զապորոժյան կազակները պայթեցրել էին հայերի մի քանի առեւտրային կետեր, ինչպես նաեւ ոչնչացրել էին “Ուկրաինահայկական բարեկամության” հուշարձանը: