Հայազգի ամերիկյան գործարար Քըրք Քըրքորյանը 100 միլիոն դոլար է նվիրաբերել Կալիֆորնիայի համալսարանին (UCLA): Միջոցներն օգտագործվելու են բժշկական հետազոտությունների, թոշակների համար, գրում է Los Angeles Times-ը:
Անցած ամիս համալսարանին եւս 100 մլն դոլար նվիրել էր համալսարանի նախկին շրջանավարտ Մայեր Լուսկինը, 200 միլիոն գումարը փոխանցելու են «Երազանք» նոր հիմնադրամին:
Քըրքորյանը նաեւ փակել է Լինսի հիմնադրամը: Հիմնադրամը ստեղծվել էր Սպիտակի երկրաշարժից հետո: Հիմնադրամը Հայաստանում մի քանի հարյուր միլիոն դոլար է ծախսել բարեգործական ծրագրերի վրա:
Նշենք, որ Հայաստանում գործում է UCLA-ի մասնաճյուղը` Հայաստանի ամերիկյան համալսարանը: