«Մենք պետք է վերջ դնենք ապօրինի բնակավայրերի, ավերածությունների, բռնի տեղահանումների, բռնագրավման եւ տարհանման Իսրայելի քաղաքականությանը Արեւելյան Երուսաղեմում եւ Արեւմտյան ափում»: Այս մասին հայտարարել է Թուրքիայի նախագահ Ռեջեփ Էրդողանը, գրում է Sabah-ը։
Ստամբուլում Իսլամական համագործակցության կազմակերպության տնտեսական եւ կոմերցիոն համագործակցության մշտական հանձնաժողովի 37-րդ նիստի ժամանակ նա կոչ է արել անդամ երկրներին զերծ մնալ ցանկացած գործողությունից, որը կթուլացնի պաղեստինյան գործը: «Մենք պետք է քրտնաջան աշխատենք Պաղեստինի մայրաքաղաք Երուսաղեմի կարգավիճակն ու սրբությունը պահպանելու համար։ Կարեւորը տեւական խաղաղություն եւ կայունություն հաստատելն է՝ երկու պետությունների համակեցության համար, որը հիմնված է միջազգային նորմերի վրա»,-հավելել է նա։