Հայաստանի սփյուռքի նախարարությունը իրաքահայերի համար կուսրեր է կազմակերպում` որոնց նպատակը նրանց Հայաստանի հասարակական կյանքին ինտեգրելն է:
Աղվերանի «Կարին» ճամբարում կայացել է սեմինար «Երիտասարդ իրաքահայերի մասնագիտական ինտեգրացման գործընթացը Հայաստանի հասարակական կյանքում» խորագրով: Այդ սեմինարին մասնակցել են 14-20 տարեկան ավելի քան 20 իրաքահայեր:
Սփյուռքի նախարարության մամուլի ծառայությունից NEWS.am-ին հայտնում են, որ նրանց համար դասընթացներ են կազմակերպվել, որը կոչվում է. «Գտիր եւ ճանաչիր քո մասնագիտությունը»:
Դասընթացի նպատակն է օգնել երիտասարդ իրաքահայերին ուսումը շարունակելու, կարիերա անելու, Հայաստանի աշխատանքի շուկայում մրցունակ մասնագիտություն ընտրելու հարցում:
5-օրյա սեմինարի ժամանակ երիտասարդ իրաքահայերը մասնակցել են նաեւ հայոց լեզվի, հայ ժողովրդի պատմության, արեւմտահայերենի, հայկական մշակույթի, պարի դասընթացների, նաեւ այցելել են Սեւան ու Դիլիջան: