Թուրքիան մտադիր է արագացնել բանակցային գործընթացը՝ կապված Եվրամիության լիիրավ անդամ դառնալու հետ։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Վիլնյուսից վերադառնալուց հետո, որտեղ նա մասնակցել է ՆԱՏՕ-ի գագաթաժողովին։

«ԵՄ-ում դրական մթնոլորտ է մեր եվրաինտեգրման գործընթացի աշխուժացման վերաբերյալ։ Մենք կարագացնենք Մաքսային միության շրջանակներում հարաբերությունների թարմացման բանակցությունները, ինչը դրական ազդեցություն կունենա թուրքական տնտեսության վրա։ Հուսով եմ՝ կհաղթահարվի առանց վիզայի ռեժիմի հարցը»,-նշել է Էրդողանը։