Ձյան առատության պայմաններում, Հայաստանում նկատվում է գայլերի թվաքանակի աճ: Այդ մասին այսօր` փետրվարի 16-ին, լրագրողների հետ հանդիպման ժամանակ հայտարարեց ՀՀ բնապահպանության նախարար Արամ Հարությունյանը:
Նշենք, որ այսօր կառավարությունը հաստատեց բնապահպանության նախարարությանը 20 մլն դրամ հատկացնելու մասին որոշումը, որի շրջանակներում պետք է պարգեւատրվեն գայլեր ոչնչացնող որսորդները:
Ա. Հարությունյանի խոսքով` պարգեւավճարները կհատկացվեն բացառապես որսորդներին, մինչեւ ապրիլի կեսերը, երբ որսի սեզոնը կավարտվի:
Բնապահպանության նախարարի համոզմամբ` այս որոշումը կայացվել է մասնագետների հետ խորհրդակցության արդյունքում, ուստի բնապահպանական կազմակերպությունների մոտ դժգոհություններ չպետք է առաջանան:
Ա. Հարությունյանի կարծիքով` 200 գայլերի ոչնչացումը գայլերի պոպուլյացիային չի վնասի:
