Թեհրանում Ադրբեջանի դեսպան Ջավանշիր Ախունդովին կանչել են Իիրանի ԱԳՆ: Իրանի իշխանությունները Ախունդովից պարզաբանումներ են պահանջել զենքի մատակարարման ադրբեջանա-իսրայելական պայմանագրի կապակցությամբ:
Դեսպանին հասկացրել են, որ անթույլատրելի է Ադրբեջանի տարածքն օգտագործել «Իրանի դեմ ահաբեկչական ակտերի իրագորման նպատակով», գրում է «ՎԼԳԼՅԱԴ»-ը` վկայակոչելով իրանական լարտվամիջոցները:
Դեսպանը իրանցի դիվանագետներին հավաստիացրել է, որ ձեռք բերված իսրայելական զենքը բացառապես նախատեսված է «ադրբեջանական օկուպացված տարածքների» ազատման համար եւ չի օգտագործվի երրորդ երկրի, մասնավորապես ԻԻՀ-ի դեմ:
ԻԻՀ-ի ԱԳՆ-ը լուրջ մտահոգություն է հայտնել «Իրանի հարեւան երկրներում սիոնիստական վարչակարգի ազդեցության ուժեղացման կապակցությամբ»:
Հիշեցնենք, որ փետրվարի 27-ին հայտնի է դարձել, որ Ադրբեջանն Իսրայելից անօդաչու թռչող սարքեր եւ հակահրթիռային ու հակաօդային պաշտպանության համակարգեր կստանա (ՀՀՊ եւ ՀՕՊ)` 1,6 մլրդ դոլարով: