Թուրք հայտնի լրագրող, վերլուծաբան Մեհմեդ Ալի Բիրանդը Kanal D հեռուստաընկերության ուղիղ եթերում անդրադառնալով Ֆրանսիայի Սահմանադրական խորհրդի կողմից Ցեղասպանությունների ժխտումը  քրեականացնող օրինագծի մերժմանը,  հայտարարել է, թե չի կարելի այն մեկնաբանել, թե Ֆրանսիան Թուրքիայից վախեցավ։

Բիրանդի խոսքով՝ այս որոշումով պարզապես թուրք-ֆրանսիական հարաբերությունները վատթարացումից փրկվեցին։ «Ֆրանսիայի Սահմանադրական խորհուրդը դաս տվեց թե մեզ, թե աշխարհին, որ ինչքան կարեւոր է խոսքի ազատությունը։ Մենք չպետք է ասենք, թե սրանով գործը փակվեց եւ մենք փրկվեցինք։ Թուրքիան մինչեւ 2015-ը ականապատ դաշտով է քայլելու։ Մենք պետք է շարժվենք ըստ դրա»,-ասել է Բիրանդը։