«Ժամանակ» թերթը գրում է. «Միջազգային եւ անվտանգության հարցերի հայկական ինստիտուտի ղեկավար, քաղաքական վերլուծաբան Ստյոպա Սաֆարյանը մեզ հետ զրույցում համոզմունք հայտնեց, որ «Ժառանգություն» կուսակցությունում նոր տրոհումներ կլինեն:

«2012-ից հետո, ցավոք սրտի, կուսակցությունը գնաց շատ անկայուն դաշինք ձեւավորելու ճանապարհով: 2012-ին դեռեւս աշնանային նստաշրջանը չմեկնարկած՝ արդեն չկար «Ազատ դեմոկրատներ» եւ «Ժառանգություն» դաշինքը: Պրոցեսը խորացավ, շարունակվեց, եւ դեռ իր ավարտին չի հասել: Մենք դա տեսնում ենք թե՛ Ռուբեն Հակոբյանի օրինակով, թե՛ սահմանադրական փոփոխությունների վերաբերյալ տարբեր դիրքորշումներով պայմանավորված:

«Ժառանգությունն» ինքն էլ հիմքեր ստեղծեց դրա հետ կապված: Եթե կուսակցության ծրագիրը կողմ է արտահայտվում խորհրդարանական կառավարմանը եւ քառյակային խաղերի պատճառով հրաժարվում է իր դիրքորոշումից, այս պարագայում դժվար է մեղադրել Թեւան Պողոսյանին սահմանադրական փոփոխությունների քննարկմանը մասնակցելու համար»,- հավելեց նա»:

Առավել մանրամասն՝ թերթի այսօրվա համարում