ԱՄՆ-ում գործող Հայկական երիտասարդական ֆեդերացիան ապրիլի 24-ին ամեն տարվա նման բողոքի ակցիա կիրականացնի Լոս Անջելեսում Թուրքիայի հյուպատոսության դիմաց:
Ամերիկայի հայ համայնքի անդամները կհավաքվեն, որպեսզի հրապարակային դատապարտեն Թուրքիային` 1915-ին Հայոց ցեղասպանություն իրականացնելու համար, հաղորդում է «Ասպարեզը»:
Բողոքի ակցիան Հայկական երիտասարդական ֆեդերացիայի կողմից կազմակերպվող միջոցառումներից մեկն է` նվիրված Օսմանյան կայսրությունում իրականացված Հայոց ցեղասպանության 97-րդ տարելիցին: