A/H1N1 վարակով վարակվածների թիվը Վրաստանում ավելացել է եւս 21-ով եւ դեկտեմբերի 5-ի դրությամբ կազմել է 292 դեպք: Այդ մասին հայտնում են վրացական լրատվամիջոցները՝ վկայակոչելով հիվանդությունների վերահսկողության ազգային կենտրոնը: Հիվանդները, որոնց վիճակը գնահատվում է միջին ծանրության, բուժում են անցնում հիվանդանոցում:
Վարակման դեպքերի հիմնական մասը բաժին են ընկնում 5-ից 14 եւ 15-ից 29 տարեկաններին: 19 դեպք արձանագրվել է Թբիլիսիում, մյուսները՝ Քութայիսում:
Բժիշկների խոսքով, Վրաստանը մտնում է համաճարակի փուլ, եւ հիվանդների թվի ավելացման հետ մեկտեղ ավելանում է բարդությունների ռիսկը, քանի որ հիվանդները պետք է ժամանակին դիմեն բժշկի: