Բրյուսելում այսօր՝ դեկտեմբերի 8-ին, մեկնարկել է ԵՄ եւ «Արեւելյան գործընկերության» անդամ-երկրների ԱԳ նախարարների մասնակցությամբ բանակցությունների առաջին փուլը:
Բանակցություններին մասնակցելու նպատակով դեկտեմբերի 7-ին Բելգիայի մայրաքաղաք է մեկնել Հայաստանի արտգործնախարար Էդվարդ Նալբանդյանը:
Նախարարների մակարդակով հանդիպումն առաջինը կլինի 2008թ. մայիսին ծրագրի պաշտոնական մեկնարկից հետո:
«Արեւելյան գործընկերություն»-ը մի ծրագիր է, որն առաջարկվել է Եվրամիության կողմից՝ Լեհաստանի եւ Շվեդիայի նախաձեռնությամբ, եւ դրա մեկնարկը տրվել է Պրագայում՝ այս տարվա մայիսի 8-ին: Ծրագրի հիմնական նպատակն է ԵՄ-ին մերձեցնել Հայաստանը, Ադրբեջանը, Վրաստանը, Ուկրաինան, Մոլդովան եւ Բելառուսը:
Ծրագրի շրջանակներում Եվրամիությունը նախատեսում է նշված երկրներին մինչեւ 2013թ. տրամադրել 600 մլն եվրո՝ պետական հաստատությունների ամրապնդման, սահմանների վերահսկողության եւ փոքր ձեռնարկություններին օգնություն ցուցաբերելու համար:
