Լիբիայի անցումային կառավարությունն ամբողջական կազմով հեռացվել է։ Լիբիայի Ազգային անցումային խորհուրդն (ԱԱԽ) անվստահության քվե է հայտնել Աբդել Ռահիմ ալ-Քիբայի գլխավորած կառավարությանը։ Նման որոշման պատճառ է համարվել գործադիր մարմնի անդամների անպատասխանատվությունը եւ դժվար իրադրությունը հաղթահարելու նախարարների անկարողությունը։
Կառավարությունն աշխատել է 5 ամսից մի փոքր ավելին եւ բարձիթողի վիճակի թողնվել Մուամար Քադաֆիի տապալումից հետո առաջին ազգային ընտրություններն անցկացնելուց երկու ամիս առաջ։ Լիբիացիները պետք է ընտրեն պատգամավորներ 200 տեղանոց օրենսդիր ժողովի՝ Ազգային ասամբլեայի համար, որն իր հերթին պետք է ձեւավորի նախարարների մշտական կաբինետ, հայտնում է rbc-ն։
Ըստ դիտորդների՝ ժամանակավոր կառավարության հրաժարականից հետո նշված ժամկետներում քվեարկության գործընթացի կազմակերպման հնարավորություններն ավելի նվազում են։
Իր հերթին Ա. Ալ-Քաիբը պետական հեռուստաալիքի եթերում ԱԱԽ-ին մեղադրել է կառավարության աշխատանքը խոչընդոտելու եւ երկրում ընտրական գործընթացը երկարաձգելու մեջ։