Թիվ մեկ ահաբեկիչ Ուսամա բեն Լադենի ընտանիքին դուրս են բերել Պակիստանից. երկրի իշխանությունները երեք կանանց եւ ութ երեխաներին երկրից հանելու հատուկ գործողություն են իրականացրել:
Հիշեցնենք, երկրի իշխանությունը սպանված ահաբեկչի այրիներին ու երեխաներին Սաուդյան Արաբիա արտաքսելու որոշում էր կայացրել:
ՆՏՎ-ն հաղորդում է, որ նրանց տարել են ուշ երեկոյան, տեսախցիկներից գաղտնի: Տնից մինչեւ ավտոմեքենա ընկած ճանապարհը բեն Լադենի ընտանիքն անցել է հատուկ միջանցքով` պատրաստված սովորական ծածկոցներից:
Գրեթե մեկ տարի առաջ` մայիսի 2-ի գիշերը, «Ալ-Կաիդայի» առաջնորդը ոչնչացվել էր Աբոթաբադ քաղաքի իր տանը: Մահից հետո նրա երեք կանանց մայրաքաղաք էին տարել հարցաքննելու: Մարտին նրանց երկրում գտնվելը ճանաչվել էր անօրինական, կանանց կալանքի տակ էին վերցրել եւ արտաքսման որոշում կայացրել: