Մոսկվայում ավտոճանապարհային վթարում զոհվել է Ռազմաօդային ուժերի փոխգնդապետ, Ռուսաստանի հերոս 48-ամյա Անատոլի Լեբեդը: Նա վթարի է ենթարկվել մոտոցիկլով` Սոկոլնիկով թաղամասում:
Լեբեդը սեփական մոտոցիկլով է եղել, հավանաբար գնալիս է եղել բայքերյան սեզոնի բացմանը: Ինչ-որ պատճառով նա չի կարողացել կառավարել մեքենան եւ բախվել է պատնեշին, որից հետո ընկել է եւ վախճանվել ստացված վնասվածքներից:
Անատոլի Լեբեդը մասնակցել է Դաղստանի բազմաթիվ ռազմական գործողություններին 1999 թվականից սկսած: 2003 թվակակնին նա զրկվել էր կրունկից, սակայն մնացել էր ծառայելու Կովկասում: 2003 թվականի դեկտեմբեր-2004 թվականի հունվար ամիսներին Լեբեդը մասնակցել է Դաղստանի լեռներում դաշտային հրամանատար Գելաեւի ոչնչացման ձմեռային գործողությանը: 2005 թվականին Անատոլի Լեբեդը փրկել էր ընկերներին. գործողություններից մեկի ժամանակ սպան իր մարմնով փակել էր ենթականերին պայթած ականից եւ հրաշքով էր ողջ մնացել: ՌԴ-ի նախագահի 2005 թվականի ապրիլի 6-ի հրամանով կապիտան Լեբեդին շնորհվել էր Ռուսաստանի Դաշնության հերոսի կոչում` «Ոսկե աստղ» շքանշանի շնորհմամբ, գրում է «Նովիե իզվեստիան»:
2008 թվականի օգոստոսին Լեբեդը մասնակցել է վրացական զինված ուժերի դեմ ռազմական գործողություններին: Զինվորական գերազանց ծառայության համար նա պարգեւատրվել էր Սուրբ Գեւորգի 4-րդ աստիճանի շքանշանով:
Լեբեդին վերջին ուղին կճանապարհեն ռազմական բոլոր պատիվներին համապատասխան:
