Իրանի հյուսիսային Իլամ նահանգի Աբադան եւ Մորմորի քաղաքներում մայիսի 3-ին 5,5 բալ ուժգնությամբ երկրաշարժ է տեղի ունեցել:
Ինչպես հաղորդում է «Ռոսբալտը», վկայակոչելով Թեհրանի համալսարանի գեոֆիզիկայի ինստիտուտին կից սեյսմոլոգիական կենտրոնի տվյալներին, ցնցումներն արձանագրվել են տեղական ժամանակով ժամը 14:39-ին:
Երկրաշարժի արդյունքում Աբադանում 5 տուն է ավերվել, իսկ Մորմորիում կոտրվել են շենքերի ապակիները: Զոհերի եւ տուժածների մասին տվյալներ չկան:
Նույն օրը, երեւանյան ժամանակով ժամը 19:20 -ին 5,1 մագնիտուդով երկրաշարժ է տեղի ունեցել Թուրքիայի կենտրոնական մասում: Էպիկենտրոնը գտնվել է Կյութախիա նահանգում: Այստեղ եւս զոհերի եւ ավերածությունների մասին տվյալներ չկան:
