Ադրբեջանի մայրաքաղաք Բաքվում բախումներ են տեղի ունեցել ընդդիմության ներկայացուցիչների եւ ոստիկանության միջեւ:
Ընդդիմադիր «Հանրային պալատը» քաղաքապետարանի առջեւ պիկետ է կազմակերպել` հավաքների ազատության սահմանափակման հետ կապված:
«Ազատություն» ռադիոկայանը հաղորդում է, որ Բաքվի իշխանություններն ավելի քան 5 տարի հրաժարվում են արտոնել ընդդիմության հանրահավքները քաղաքի կենտրոնում` առաջարկելով դրանք անցկացնել ծայրամասում:
150 ընդդիմադիրներ քայլերթով անցել են Բաքվի կենտրոնում` վանկարկելով «Ազատություւն», «Հրաժարական», «Ազատություն խղճի բանտարկյալներին» եւ այլն: Սակայն նրանց կանգնեցրել են ոստիկանները եւ սկսել ցրել ակցիայի մասնակիցներին` ձերբակալելով առավել ակտիվներին:
Ոստիկանությունում հերքել են ձերբակալվածների մասին տեղեկությունները, իսկ ցրումը բացատրել ակցիայի արտոնված չլինելու հանգամանքով:
