Թերթը զրուցել է Երեւանի քաղաքապետ Տարոն Մարգարյանի հետ.
Պարոն Մարգարյան, ե՞րբ եք նախատեսում ավատել պուրակի բարեկարգման աշխատանքները:
Դե, աշխատանքներն ընթանում են: Ինձ թվում է`շատ կարճ ժամանակահատվածում մենք կավարտենք Մաշտոցի պուրակի բարեկարգման աշխատանքները:
Նախագահի` պուրակ կատարած այցից եւ կրպակներն ապամոնտաժելու հանձնարարականից հետո Ձեզ շատ քննադատեցին: Արդյոք հնարավոր չէ՞ր նախքան նախագահի այցն այդ հարցն ի նպաստ հասարակության լուծել:
Ես բազմիցս իմ խոսքում ասել եմ, ոք մենք այդ կրպակները ժամանակավոր էինք տեղադրել: Մինչեւ երեք տարի ժամկետով էինք որոշում կայացրել: Ամեն օր կարող էր որոշում կայացվել, որ կրպակները կարող են ապամոնտաժվել: Ու ես դեմ եմ հիմնական կրպակներին:
Սկզբնական շրջանում շատ էիք խոսում կրպակների սեփականատերերի իրավունքների մասին: Այսօր այդ հարցը կարծես անտեսել եք, ինչ-որ բա՞ն է փոխվել:
Միանշանակ մենք սեփականատերերի իրավունքները պետք է պաշտպանենք: Եվ հիմա բանակցություններ ենք տանում սեփականատերերի հետ,Աբովյան փողոցի նախկին ժամանակավոր շինությունների սեփականատերերը ամեն ինչ հասկանում եւ ընդունում են: Կփորձենք հետագայում ինչ-որ միջոցներով իրենց փոխհատուցել:
Ի՞նչ միջոցներով, ուրիշ տե՞ղ կտեղափոխեք այդ կրպակները:
Կրպակնե՞րը, ո'չ:
Իսկ ի՞նչ, ֆինանսական փոխհատուցո՞ւմ կտրվի:
Ոչ էլ գումարային, ուղղակի քննարկում ենք: Դեռ ժամանակ կա, սեփականատերերը չեն վռազում, իրանք ասել են` մենք կհամբերենք:
Իսկ նրանք չդժգոհեցի՞ն Սերժ Սարգսյանի հանձնարարականից:
Չէ, չեն դժգոհել, երեւի սեփականատերերը հասկանում են, որ էդքան էլ հարմար չէր կրպակների տեղը»,- գրում է «Հայացք» թերթը: