Ավստրալական Նոր Հարավային Ուելս նահանգի խորհրդարանի անդամ Ուելս Ջոն Աջական հայտարարել է Հայոց ցեղասպանության փաստի մասին:
Խորհրդարանի նիստի ընթացքում դիմելով գործընկերներին` նա նաեւ հայտարարել է, որ հայերը բռնագաղթել են Արեւմտյան Հայաստանից, հաղորդում է Ավստրալիայի Հայ դատի հանձնախումբը:
«Արդեն ճանաչվել է, որ ողբերգությունն սկսվել է այն պահին, երբ օսմանյան կառավարության կողմից ձերբակալվել, արտաքսվել եւ սպանվել են հայ 250 առաջնորդներ եւ մտավորականներ»,- ընդգծել է Աջական:
Խորհրդարանականը նշել է, որ Հայոց ցեղասպանությունը խտրականության կործանարար հետեւանքների իրական օրինակ է` հավելելով, որ զոհերի թիվը կազմել է 1,5 միլիոն:
«Հայ դատի» ավստրալական հանձնախբի գործադիր տնօրեն Վարդան Մեղերդիչյանը խորհրդարանականին շնորհակալություն է հայտնել Թուրքիայի վրա ճնշում գործադրելու փորձի համար:
