A/H1N1 վարակի՝ խոզի գրիպի լաբորատոր հաստատված դեպքերի թիվը Հայաստանում դեկտեմբերի 14-ի դրությամբ կազմում է 80 հոգի: Այդ մասին NEWS.am-ի թղթակցի հետ զրույցում հայտնել է Հայաստանի առողջապահության նախարարի օգնական Շուշան Հունանյանը:
Անցած 2 օրերին, նրա խոսքով, հայտնաբերվել է վարակման եւս 26 դեպք:
Հունանյանը նաեւ հայտնեց մահվան ելքով երկու դեպքերի մասին: «Էրեբունի» հիվանդանոցում մահացել է հղի մի կին Հրազդանից: Նա եղել է հղիության 6-րդ ամսում: Իսկ մահվան 2-րդ դեպքն արձանագրվել է Նորքի ինֆեկցիոն հիվանդանոցում, որտեղ մահացել է մի երիտասարդ տղամարդ":
Ըստ Հունանյանի՝ երկու հիվանդն էլ հիվանդանոց են տեղափոխվել հիվանդության վերջին փուլում, ինչն էլ հանդիսացել է նրանց մահվան պատճառը:
