Հայաստանում լաբորատոր հաստատված խոզի գրիպով (A/H1N1) վարակվածների թիվը դեկտեմբերի 16-ի տվյալներով, հասել է 92-ի: Այս մասին NEWS.am-ի թղթակից հետ զրույցում հայտնել է Հայաստանի առողջապահության նախարարի օգնական Շուշան Հունանյանը:
Ըստ Հունանյանի, հանրապետությունում չեն գրանցվել նաեւ մահվան նոր դեպքեր: Ավելին, 50 տոկոսով կրճատվել են «շտապօգնության» բաժանմունքներ զանգերի թիվը:
Միեւնույն ժամանակ, այսօր մի շարք լրատվամիջոցներում տեղեկություններ տարածվեցին «Էրեբունի» հիվանդանոցում մահվան երկու նոր դեպքերի մասին: Հիվանդանոցի գործադիր տնօրեն Արմեն Ռուստամյանի խոսքով՝ մահացածների լաբորատոր տվյալները դեռ չեն ստացվել: Հիշեցնենք, որ Հայաստանում դեկտեմբերի 14-ին արձանագրվել էին խոզի գրիպից մահվան առաջին դեպքերը՝ մահացել էին հղի մի կին եւ 28-ամյա մի տղամարդ: