Միջազգային ֆոլկլորային «SANS» քառյակն այս ամառ կմեկնի եվրոպական շրջագայության, հաղորդում է «World Music Central»-ը: «SANS»-ի կազմում չորս երաժիշտներ են, ովքեր հանդես են եկել Էնդրյու Կրոնշոյի «The Unbroken Surface of Snow» ալբոմում:
Խմբի կազմում են Էնդրյու Կրոնշոն (Մեծ Բրիտանիա), ով նվագում է կիթառի եւ այլ գործիքների վրա, Սանա Կուրկի Սուոնիոն (Ֆինլանդիա), ով հանդես է գալիս վոկալով, դուդուկահար Տիգրան Ալեքսանյանը (Հայաստան) եւ կլարնետիստ ու սաքսոֆոնահար Յան Բլեյքը (Մեծ Բրիտանիա/Ավստրալիա): Քառյակը հանդես կգա Մեծ Բրիտանիայում, Խորվաթիայում եւ Նորվեգիայում: