Բեյրութի «Էսքիզ» պատկերասրահը կազմակերպել է հանրահայտ հայ քանդակագործ Մկրտիչ Մազմանյանի ցուցահանդեսը: «Բեյրութի տիկնայք» խորագրով ցուցահանդեսում ներկայացված են կիսաաբստրակտ բրոզե քանդակներ` կանացի կառուցվածքներով, գորւմ է լիբանական «The Daily Star»-ը:
60-ամյա արվեստագետը հայտնի է որպես հասարարակական հուշարձանների քանդակագործ: Այդ ցուցահանդեսի համար նա ներկայացրել է 15 էլեգանտ բրոնզե քանդակ եւ 5 կավե դիմանակար: Իր բրոզե աշխատանքների ոճը նա համարում է «կերպարային աբստարկցիա»:
«Ռեալիզմի ժամանակն անցել է: Ես սովորել եմ տեխնիկան, թե ինչպես ռեալիստական քանդակ անել, բայց դա կարծես հիմքն է. ես պետք է ստեղծեմ իմ սեփական ոճը»,-ասել է նկարիչը: Արվեստագետը քանդակագործություն ուսանել է Հայաստանում`մինչ 20 տարի առաջ Լիբանան տեղափոխվելը:
Բեյրութի կենտրոնում գտնվող «Le Grey Hotel»- ում Մազմանյանի ցուցահանդեսը կտեւի մինչեւ հունիսի 17-ը: