Բջջային հեռախոսների ֆիննական արտադրող «Nokia» ընկերության բաժնետոմսերի գինը վերջին 5 ամսվա ընթացքում որոշակի աճ է արձանագրել: Պատճառներից մեկը ընկերության վաճառքի մասին լուրերն են:
Ինչպես փոխանցում է Bloomberg-ը, Հելսինկիի ֆոնդային բորսայում գործարքների փակման պահին ընկերության արժեթղթերի գինը բարձրացել է 6%-ով` հասնելով 2,36 եվրոյի` մեկ հատի համար:
«Շատ ընկերություններ են հիշատակվում որպես հնարավոր գնորդներ: Վստահ եմ, որ ինչ-որ մեկը քննարկում է այդ հնարավորությունը, թեեւ պարտադիր չէ, որ գնումը շահավետ լինի: Անգամ իմ գործընկերների շրջանում ընկերության ապագայի հարցում թերահավատություն կա»,-հայտարարել է «Canaccord Genuity»-ի վերլուծաբան Բո Նորդբերգը:
