Հոլիվուդյան կատակերգու դերասան Ջիմ Քերրին նախատեսում է վաճառել Քալիվորնիայի նահանգում, Մալիբուի ափին գտնվող իր առանձնատունը, որի արժեքը կազմում է 13,95 մլն դոլար:
Առանձնատան մակերեսը կազմում է 270 քմ. այնտեղ կա 5 ննջարան, 5 լոգարան, հյուրասենյակ, ճաշասենյակ, խոհանոց, մի քանի բուխարի, «ընտանեկան սենյակ» եւ բալկոն, որը նայում է դեպի օվկիանոս:
Այս առանձնատունը Ջիմ Քերրին գնել է 2002 թվականին` 9,75 մլն դոլարով: Նախորդ տարի դերասանն արդեն փորձում էր վաճառել տունը, բայց գնորդ այդպես էլ չի գտել: