Ֆրանսիայում բացահայտվել է երկրի պատմության ընթացքում դրամանենգների խոշորագույն ցանցը:
2007 թվականից հանցագործները տպել էին 350 հազար կեղծ դրամներ` 20 եւ 50 եվրո արժողությամբ: Դրամի 90 տոկոսը շրջանառության մեջ էր դրվել Ֆրանսիայում, մնացածը` հարեւան երկրներում: Կեղծ բանկնոտները, ըստ Le Matin-ի, եղել «EUA-0020C00045»-ից «EUA-0050C00067» սերիայի:
Հունիսի 12-ին եւ 13-ին ոստիկանները գործողություն են իրականացրել ֆաբրիկայում: Այն գտնվում էր Իլ-դե-Ֆրանս տարածաշրջանի Սենա եւ Մարն դեպարամենտների Մո եւ Շել քաղաքների միջեւ գտնվող փոքրիկ գյուղում: Բարձրորակ կեղծ թղթադրամները տպվում էին թվային տպիչների օգնությամբ:
