Դամասկոսում, այսօր` հունիսի 14-ի առավոտյան, երկու պայթյուն է որոտացել: Առաջինը տեղի է ունեցել Դամասկոսի Սեյդա Զեյնաբ թաղամասում, որի հետեւանքով 14 մարդ վիրավորվել է: Երկրորդ պայթյունը գրանցվել է Իդլիբ նահանգում, որի արդյունքում վեց զինծառայող է տուժել:
Առաջին պայթյունը ավտոբուսային կանգառի մոտակայքում է եղել: «Սինհուա» գործակալությունը տեղեկացնում է, որ ականապատված ավտոմեքենայի վարորդը ցանկացել է մեքենայով ավտոտնակ մտնել, սակայն պայթյունը փողոցում է տեղի ունեցել:
Ահաբեկչության հետեւանքով տուժել են մի շարք շինություններ, ավտոտնակը, տեղի հիվանդանոցը եւ շիաների սրբավայրը` Զայնաբ դամբարանը:
Պայթյունի հետեւանքով գետնի վրա փոս է առաջացել, տասնյակ ավտոմեքենաներ վառվել են: Պայթյունից առաջացած ալիքը ջարդել է մի քանի տների եւ խանութների պատուհանները:
Դեպքի վայր են ժամանել ՄԱԿ-ից դիտորդներ:
Մյուս ականապատ ավտոմեքենան պայթել է հյուսիս-արեւմտյան Իդլիբ նահանգում: Պայթյունի հետեւանքով վիրավորվել է 6 զինծառայող: