News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը

Արմավիրի մարզի Մայիսյան գյուղի ջրատարում հայտնաբերված նորածին տղայի հայտնաբերման փաստով ՀՀ ոստիկանության Մեծամորի բաժնում նյութեր են նախապատրաստվում: Այս մասին NEWS.am-ը տեղեկացավ ՀՀ ոստիկանության Մեծամորի բաժնից: 

Ոստիկանության Մեծամորի բաժին պետ Մուշեղ Օհանյանը NEWS.am-ի թղթակցի հետ զրույցում նշեց, որ բոլոր անհրաժեշտ աշխատանքները տարվում են հանցագործությունը բացահայտելու ուղղությամբ: NEWS.am-ի տեղեկություններով ստուգվում են բոլոր այն գյուղերը, որտեղով անցնում է ջրատարը: Ստուգումներ են անցկացվում նաեւ հաշվառում անցած հղի կանաց շրջանում:

Արմավիրի մարզի Մայիսյան գյուղի գյուղապետ Եսայի Մովսիսյանը NEWS.am-ի թղթակցի հետ զրույցում ասաց, որ այդ երեխան իրենց գյուղի հետ կապ չունի: Նրան իրենց գյուղի բնակիչներից մեկն է հողամասը ջրելիս նկատել: «Եսիմ որտեղից է երեխային ջուրը բերել»,- ավելացրեց գյուղապետը:

Ավելի վաղ տեղեկացրել էինք, որ երեկ` հունիսի 18-ին սարսափելի դեպք է տեղի ունեցել Արմավիրի մարզում: Մայիսյան գյուղի մի ջրատարում նորածնի դիակ են գտել: Նորածինն արական սեռի է եղել, անգամ պորտալարը կտրված չի եղել:

NEWS.am-ի աղբյուրի փոխանցմամբ, դաշտում աշխատող գյուղացիներն են պատահմամբ գտել երեխայի դին ու ահազանգել իրավապահներին: Թե ինչպես է երեխան հայտնվել ջրատարի մեջ, դեռ հայտնի չէ:

Տպել
Ամենաշատ