Սիրիայի նոր կառավարության կազմում, որը ձեւավորվել է վերջերս, հայուհի է ընդգրկվել: Ըստ «ՍԱՆԱ» գործակալության կայքում հրապարակված ցուցակի`շրջակա միջավայրի պահպանության հարցերով պետական նախարար է նշանակվել Նազիրա Ֆարահ Սարգիսը:
Ինչպես ավելի վաղ հայտնել էր NEWS.am-ը, հունիսի 23-ին Սիրիայի նախագահ Բաշար Ասադը ձեւավորել է նոր կառավարություն:
Բոլոր գլխավոր նախարարները պահպանել են իրենց պաշտոնները:
Նոր կառավարության կազմում են ընդգրկվել պաշտպանության, ներքին գործերի եւ արտաքին գործերի նախարարությունների նախկին ղեկավարները:
