Կաշառակերության դեմ ռուս հայտնի պայքարող Ալեքսեյ Նավալնիի բլոգը Twitter-ում կոտրել են հունիսի 26-ի գիշերը: Այդ մասին իր բլոգում հայտնել է Նավալնիի մամլո քարտուղար Աննա Վեդուտան:
Նավալնիի «Կենդանի ամսագիր» բլոգում ավելի ուշ հաղորդագրություն էր հայտնվել. «Կոտրել են իմ էլեկտրոնային հասցեն եւ թվիթերը: Ակնհայտ է` համակարգիչ այփադների միջոցով, որոնք առգրավել էին խուզարկության ժամանակ: Ահա այդպիսին է Հետաքննիչ հանձնաժողովը»:
Գիշերը Նավալնիի միկրոբլոգում հայտնվել են հայհոյանքներով լի արտահայտություններ, որոնք հայտնում էին, որ Նավալնին աշխատում է Կրեմլի համար, որի համար էլ ստացել է «Աերոֆլոտի» տնօրենների խորհրդի անդամի պաշտոն, հայտնում է «utro.ru»-ն:
«Էխո Մոսկվի» ռադիոն նշում է, որ անհայտ անձն Ալեքսեյ Նավալնու անունից մինչեւ հիմա շարունակում է վիրավորել Թվիթերից օգտվողներին եւ հայհոյանքները դադարեցնել ոչ մի կերպ չի հաջողվում: