«Մաշինա վրեմենի» խմբի կիթառահար Եվգենի Մարգուլիսը երկրորդ անգամ լքել է խումբը: Ինչպես ասված է խմբի կայքում, դա տեղի է ունեցել հունիսի 25-ին: Հեռացման պատճառներն առայժմ չեն հաղորդվում:
Հաղորդագրությունում ասվում է, որ խումբը մինչեւ աշուն կշարունակի ելույթները ներկա տեսքով, իսկ սեպտեմբերին կվերադառնա նորացված կազմով:
Եվգենի Մարգուլիսը «Մաշինա վրեմենի» է եկել 1975թ., սակայն 1979-ին լքել է`գնալով «Հարություն» խումբ: Նախքան 1989թ. «Մաշինա վրեմենի» վերադառնալը նա հասցրել է աշխատել «Արաքս», «Աերոբուս» եւ «Շանհայ» խմբերում, գրում է «Մոսկովսկի կոմսոմոլեցը»:
