Թուրքիայի կոմունիստական կուսակցությունը թուրքական օդուժի ինքնաթիռի հետ կատարված միջադեպի պատասխանատվությունը, երբ թուրքական օդանավը խախտել էր Սիրիայի օդային տարածքը եւ խփվել, դրել է Էրդողանի կառավարության վրա, կոչ անելով հրաժարական տալ:
Թուրքիայի Կոմկուսի կենտկոմի հայտարարությունում ասվում է, որ Սիրիայի օդային տարածքը խախտելը ստոր սադրանք է, որը կազմակերպել էր Էրդողանի կառավարությունը` ԱՄՆ-ի եւ Իսրայելի աջակցությամբ, հաղորդում է սիրիական պետական ՍԱՆԱ գործակալությունը:
Թուրք կոմունիստները նշել են, որ սա Թուրքիայի կառավարության առաջին սադրանքը չէ Սիրիայի հանդեպ, ապա ընդգծել, որ Թուրքիայի տարածքում տեղակայված ճամբարներում գրոհայինների են պատրաստում եւ ուղարկում Սիրիա, ինչպես նաեւ տեղի է ունենում զենքի ապօրինի առաքում Սիրիա: