Էրեբունի ամրոցում 2008 թվականից կյանքի կոչված հայ-ֆրանսիական համագործակցությունը կշարունակվի 2012-2015 թվականներին` դառնալով պատմամշակութային ժառանգության բնագավառում համագործակցության հաջողված օրինակ:
«Էրեբունի» պատմահնագիտական արգելոց-թանգարանից NEWS.am-ին հայտնում են, որ հայ եւ ֆրանսիացի մասնագետները կշարունակեն միասին բացահայտել ուրարտական քաղաք-ամրոցի մինչ օրս անհայտ էջերը` պատասխանելով ժամանակի ընթացքում ամրոցի ճարտարապետական հորինվածքի կրած փոփոխությունների եւ հնագիտական գտածոների հետ կապված բազմաթիվ հարցերի:
2012թ. հունիսի 5-ից Էրեբունի ամրոցում վերսկսված պեղումների 1-ին գործաշրջանը կավարտվի հունիսի 30-ին:
Լրատվամիջովների համար արշավախմբի արդյունքները կամփոփվեն «Էրեբունի» պատմահնագիտական արգելոց-թանգարանում հունիսի 28-ին, ժամը` 11:00-ին հրավիրվող մամուլի կոնֆերանսում:
Կոնֆերանսին կմասնակցեն արգելոց-թանգարանի տնօրեն Գագիկ Գյուրջյանը, տնօրենի տեղակալ Արաքսի Մեշինյանը, ֆրանսիական արշավախմբի ղեկավար Ստեֆան Դեշամպը եւ հնագետ Ֆրանսուա Ֆիշե Դը Կլերֆոնտենը: