Լրագրող Գեորգի Գոնգաձեի այրին` Միրոսլավան մտադիր է դիմել Մարդու իրավունքների եվրոպական դատարան` Գերագույն մասնագիտացված դատարանի վճռից հետո, որով հանվել էր Լեոնիդ Կուչմային առաջադրված մեղադրանքը:
«Փաստացի Գոնգաձեի սպանության գործով սպառել ենք ներպետական գործիքները` հետաքննելու պատվիրատուների առկայության հանգամանքը: Դա նշանակում է, որ այժմ Միրոսլավան կարող է դիմել Եվրադատարան եւ նա մտադիր է անել դա»,- նշել է փաստաբան Վալենտինա Տեիլչենկոն:
Այսօր Ուկրաինայի քաղաքացիական եւ քրեական գործերի գերագույն մասնագիտացված դատարանը հանել էր մեղադրանքները Գոնգաձեի սպանության կազմակերպման մեջ մեղադրվող մի շարք անձանց, այդ թվում` նախկին նախագահ Լեոնիդ Կուչմայի վրայից:
