Արգենտինացի 57-ամյա եպիսկոպոս Ֆերնանդո Բարգալյոն հրաժարական է տվել այն բանից հետո, երբ համացանցում հայտնվել է նրա լուսանկարը մի կնոջ հետ` Մեքսիկայի շքեղ ծովափերից մեկում: Լուսանկարներում նա լողում է լողավազանում ինչ-որ շիկահերի հետ եւ գրկում նրան:
Ինքը` եպիսկոպոսը խոստովանել է, որ իրենք սիրային կապի մեջ են: Սկզբում նա պնդում էր, որ դա, պարզապես, մանկության ընկեր է: Որոշ տվյալներով, այդ կինը ռեստորանի սեփականատեր է, հաղորդում է AFP-ն:
Բարգալյոյի հետ կապված միջադեպը թվով երկրորդն է Վիլլարեջեում իտալական միսիոներական կոմունայի հիմնադիրներ Լուիջի Պրադինի եւ Մարիա Լուիջի Կորոնայի հրաժարականներից հետո:
Հայտնի է դարձել, որ Պրանդին Հարավային Ամերիկայում աշխատանքի ժամանակ ինտիպ կապի մեջ էր միսիոներուհիների հետ:
Այդ սկանդալները ստիպեցին կրկին անդրադառնալ հոգեւորականներին ամուսնանալու թույլտվություն տալու անհրաժեշտությանը, սակայն Հռոմի Պապ բենեդիկտոս XVI-ը կտրականապես դեմ է դրան: