Շոտլանդիայի հյուսիսում կործանվել են Մեծ Բրիտանիայի օդուժին պատկանող երկու Tornado կործանիչներ: Նրանցից մեկն ընկել է Հյուսիսային ծովը, երկրորդ ինքնաթիռի կործանման վայրն առայժմ չի հայտնաբերված:
Խնդիրներ են ծագել նաեւ անձնակազմի որոնման հետ կապված: Յուրաքանչյուր ինքնաթիռում կար 2-ական մարդ: Երկու մարդկանց հաջողվել է կենդանի հայտնաբերել, եւ նրանք տարհանվել են ուղղաթիռով: Եվս երկու զինվորականների որոնումը հուլիսի 3-ի երեկոյան դադարեցվել է վատ եղանակի պատճառով:
Միանգամից երկու ինքնաթիռների կործանման պատճառները առայժմ անհայտ են մնում:
Սա արդեն առաջին պատահարը չէ կապված վերջին երկու տարիների ընթացքում Tornado ինքնաթիռների հետ: 2011 թ. հունվարին նույն զինվորական բազայի ինքնաթիռը փորձարարական թռիչք էր իրականացնում եւ ընկել էր տեխնիկական պատճառներով: Այն ժամանակ օդաչուն կենդանի էր մնացել, իսկ հետաքննությունը ցույց էր տվել, որ նրա գործողությունների մեջ սխալներ չեն եղել: